Sayo nga aton ginpapadayon nga programa yana an Barangay Livelihood Empowerment and Sustainability (BLES) Program nga nagsusuporta sa mga community-based enterprises sa aton probinsya.
Kahapon, nanhatag kita sin mga livelihood tools, equipment, supplies, ngan materials sa ilarom san BLES Program pakadto sa 16 nga mga asosasyon sin mga qualified recipients. Kadungan sini, nanhatag kit liwat vegetable seedlings, fertilizers, hand tools, ngan iba pa nga mga essential farming inputs sa 27 pa nga asosasyon.
Dako an aton pagpasalamat sa Provincial Economic Development and Investment Promotions Office (PEDIPO) ngan Provincial Agriculture Office (PAO) san aton Gobyerno Probinsyal ngan sa aton mga partner agencies nga Kasugbong sa Kauswagan san Komunidad (KKK) para sini nga mga bulig. Hinaot kunta nga pinaagi sini nga mga assistance, padayon nga magtubo ngan mag-uswag an mga asosasyon sa Norte san Samar.
Post a Comment